Эрүүл мэндийг дэмжих хөтөлбөр хэрэгжинэ

Сүхбаатар дүүргийн Засаг даргын Тамгын газраас “Фамили клиник” эмнэлэгтэй хамтран ажилтан, албан хаагчдынхаа эрүүл мэндийг дэмжих зорилгоор витаминжуулах хөтөлбөрийг хэрэгжүүлэхээр боллоо.

Хөтөлбөрийн хүрээнд “Витамин Д”-ийн дутагдлын шалтгаан, үр дагаврын талаар мэдээлэл танилцуулан, Д витамины түвшин тодорхойлох шинжилгээ авч, нөхөх эмчилгээний тунгаар олгох юм.

Монгол Улсын хүн амын 98 хувь нь витамин Д дутагдалтай байгаа нь судалгаагаар тогтоогдсон. Энэхүү витамин дутагдсанаар вирус болон бактерийн халдварт өртөмтгий болдог /ханиад томуу, уушгины хатгалгаа, сүрьеэ гэх мэт/, архаг өвчний сэдрэл нэмэгдэнэ /астма, бронхит, экзем, псориаз даралт ихсэх гэх мэт/, ясны эрдэсжилтийг хангадаг кальци, фосфорын шимэгдэлт буурдаг байна. /рахит, ясны сийрэгжилт, үе мөч өвдөх гэх мэт/

Иймээс витамины дутагдлаа нөхсөний дараа ч үргэлжлүүлэн уухыг олон улсын эмч, судлаачид зөвлөдөг.

СҮХБААТАР ДҮҮРГИЙН ЗАСАГ ДАРГЫН ТАМГЫН ГАЗАР