"Эв модны наадам" Буриадад болно

Хөвсгөл аймаг аялал жуулчлалын бүс нутаг учраас гадаад харилцаан дээрээ ихээхэн анхаарч ажиллаж байна.
Тус аймаг хойд талаараа 1027 км 5 м урт шугамаар ОХУ-тай хиллэн оршдогийн хувьд хил залгаа, муж, районуудтай сайн хөршийн уламжлалт харилцааг бататгах, харилцан ашигтай хамтын ажиллагааг өргөжүүлэхээр ажиллаж байгаа юм.

Тиймээс хил залгаа ОХУ-ын Буриадын Түнхэн, Ахын районтой эртнээс хамтран ажиллаж ирсэн бөгөөд энэ онд харилцаагаа идэвхижүүлэх, харилцан айлчлалын бэлтгэлийг хангаж хэрэгжүүлэх, уламжлалт “Эв модны наадам”-ыг өндөр түвшинд хамтран энэ жил Буриад улсад зохион байгуулах юм.

Мөн хоёр талын гаалийн байгууллагуудын хамтын ажиллагааг сайжруулах Ханх-Мондын хилийн боомтын бараа эргэлтийг нэмэгдүүлж үйл ажиллагааг өргөжүүлэхэд анхааран ажиллах аж.