Гадаад худалдааны бараа эргэлтийн хэмжээ 18.1 хувиар өсжээ

Гадаад худалдааны бараа эргэлтийн хэмжээ 2023 оны эхний 9 сард 18.1 тэрбум ам.доллар болж, өмнөх оны мөн үеэс 2.8 тэрбум ам.доллар буюу 18.1 хувиар өссөн байна.

-Экспорт 11.3 тэрбум ам.доллар болж, өмнөх оны мөн үеэс 26.6 хувиар,
-Импорт 6.8 тэрбум ам.доллар болж, өмнөх оны мөн үеэс 6.3 хувиар тус тус өссөн байна.

Манай улс БНХАУ-тай 2023 оны эхний 9 сард 13.0 тэрбум америк долларын худалдааг хийжээ. Энэ нь гадаад худалдааны нийт бараа эргэлтийн 72.3 хувийг эзэлж байна гэж Үндэсний Статистикийн Хорооноос мэдээллээ.