Гадаадад удаан хугацаагаар оршин суугаа иргэдийг цахимаар бүртгэж байна

Гадаадад 6 сараас дээш хугацаагаар оршин суугаа иргэдээ цахимаар бүртгэж байна. Монгол Улсын иргэн “Гадаадад хувийн хэргээр зорчих, цагаачлах тухай хууль”-ийн 9.5 -д “Гадаадад удаан хугацаагаар болон цагаачлан суугаа Монгол Улсын иргэн тус улсын дипломат төлөөлөгчийн болон консулын газарт хаягийн бүртгэл хийлгэж байх үүрэгтэй” гэж заасны дагуу гадаадад 183 хоногоос дээш хугацаагаар оршин сууж байгаа Монгол Улсын иргэд бүртгэлд хамрагдана. Энэхүү бүртгэл мэдээллийг бий болгож, тогтмолжуулснаар иргэдийн эрх, ашиг сонирхлыг хамгаалах, хууль, эрх зүйн туслалцааг шуурхай үзүүлэх, иргэний бүртгэл, цахим үйлчилгээний хүртээмжийг сайжруулах суурь сан бий болох юм.

Бүртгүүлэх бол ЭНД дарж орно уу.