Галын долоон дуудлага иржээ

Өчигдөр улсын хэмжээнд объектод гал гарсан гэх долоон дуудлага онцгой байдлын газарт иржээ. Гэр, байшин, өвс, хашаа шатаж байна гэх эдгээр дуудлагын дагуу алба хаагчид ажиллажээ.

Мөн Дорноговь аймагт “Эко хэлхээ” компанийн эзэмшлийн “Хово” загварын ачааны машин шатаж байна гэх дуудлагын дагуу алба хаагчид ажиллаж аварч хамгаалсан байна. Мөн Архангай аймагт Байгаль орчин аялал жуулчлалын газрын эзэмшлийн “Фургон” загварын суудлын машин шатсан байна.

Иймд иргэн, аж ахуйн нэгжүүд галын аюулгүй байдлыг хангаж байхыг Онцгой байдлын ерөнхий газраас анхааруулж байгаа юм.