Гамшгийн аюулаас өөрийгөө болон бусдыг хэрхэн аврах вэ?

Нийслэлийн цагдаагийн газрын Урьдчилан сэргийлэх хэлтсийн 26 алба хаагч 2018 оны 01 дүгээр сарын 30-нд Нийслэлийн Онцгой байдлын газрын харьяа Нийслэлийн иргэдийг гамшгаас хамгаалах сургалт арга зүйн төвд болзошгүй гамшгийн аюулаас өөрийгөө болон бусдыг хэрхэн аврах талын мэдлэг, дадлыг олгох сургалтад хамрагдлаа.

Тухайлбал, газар хөдлөлтийн гамшгийн зарлан мэдээллийн дохиогоор хэрхэн объектыг орхиж аюулгүй орчинд хүрэх, өөртөө болон бусдад эмнэлгийн анхны тусламж яаж үзүүлэх, гал унтраах анхан шатны багаж хэрэгслийг ашиглаж сурах зэрэг нэн түрүүнд мэдэх шаардлагатай мэдлэгийг олгосон юм.