Гар утас дээрэмдэж зугтсан этгээдийг олж илрүүлэв

Цагдаагийн байгууллагад энэ сарын 25-ны өдрийн 02:00 цагийн орчимд Сонгинохайрхан дүүргийн нутаг дэвсгэрт “Хоолны газрын гадаа гар утас булаачихлаа” гэх мэдээлэл бүртгэгджээ.

Уг дуудлагын дагуу тус дүүрэг дэх цагдаагийн газрын 3 дугаар хэлтсээс шалгахад 41 настай эрэгтэй “О”-ийн гар утсыг 27 настай эрэгтэй “Д” бусадтай бүлэглэн дээрэмдэж зугтсаныг шуурхай эрэн сурвалжилж илрүүлэн мөрдөн шалгах ажиллагааг үргэлжлүүлж байна.

Иймд иргэдийг гудамж талбай, олон нийтийн газар аюулгүй байдалдаа анхаарч, өөрийн өмчийн эд хөрөнгөдөө сонор сэрэмжтэй байхыг цагдаагийн байгууллагаас сэрэмжлүүллээ.