Газар шорооны ажил гүйцэтгэж байгаа ажилчид, инженерийн техникийн ажилтнуудад шалгалт хийв

Сонгино хайрхан дүүргийн 9 дүгээр хорооны нутаг дэвсгэрт Азийн хөгжлийн банкны санхүүжилтээр баригдаж байгаа Баян хошуу дэд төвийн үерийн хамгаалалтын барилга байгууламжийн 2.4 км далан сувгийн ажлыг гүйцэтгэж байгаа “Хангилцаг” ХХК-ийн үйл ажиллагаанд хөдөлмөрийн аюулгүй байдал, эрүүл ахуйн стандарт, дүрэм журмын хэрэгжилтэнд 2018.05.29-ний өдөр шалгалт хийлээ.Ажлын гүйцэтгэл 40 хувьтай явагдаж байна. Газар шорооны ажил гүйцэтгэж байгаа ажилчид, инженерийн техникийн ажилтнуудад далан сувгийн хавтан угсрах, машин механизм техник хэрэгслийн бүрэн бүтэн байдлыг хангаж, ажилтнуудад ажлын хувцас, хамгаалах хэрэгслийг өмсөж аюулгүй ажиллагааг бүрэн хангаж ажиллах талаар анхааруулга, санамж өгч ажиллалаа.