Гэмтлийг засварлан нислэгийг хэвийн үргэлжлүүлжээ

Агаарын тээврийн “Хүннү Эйр” ХХК-ийн JU-8883 бүртгэлийн дугаартай Фоккер-50 маягийн агаарын хөлөг өчигдөр Ховд-Улаанбаатарын чиглэлд нислэг гүйцэтгэх явцад системийн анхааруулах гэрэл асч, хөдөлгүүрийн тосны температур хэвийн хэмжээнээс нэмэгдсэн тул Донойн нисэх буудалд буужээ.
“Хүннү Эйр” компанийн зүгээс инженер техникийн бүрэлдэхүүнийг даруй илгээж, шалтгааныг тогтоосон ба техникийн дутагдлыг газар дээр нь арилган нислэгийг Улаанбаатарын чиглэлд хэвийн үргэлжлүүлсэн байна.