Гэр ахуйн дуу чимээ ихтэй цахилгаан хэрэгслүүд хүнийг стресс бухимдалд хүргэдэг

Дуу чимээ нь хүний сэтгэл зүйд нөлөөлж, тайван байдал, тав тухыг алдагдуулдаг. ДЭМБ-ын удирдамжид дурдсанаар унтлагын өрөөнд 30 дБ-аас бага үед гүн нойрсолт явагдах хэвийн нөхцөл, анги танхимд 35 дБ-аас бага үед хичээл сургалтын үйл ажиллагаа хэвийн явагдах нөхцөл бүрддэг байна.

Гэр ахуйн дуу чимээ ихтэй цахилгаан хэрэгслүүд нь сэтгэцэд нөлөөлж хүнийг стресс бухимдалд хүргэдэг байна. Иймд та бүхэн:

-Дуу чимээ их гаргадаг гэр ахуйн хэрэгслүүдийг дуу намсгагчтай бүтээгдэхүүнээр солих;

-Дуу чимээг бууруулж, агаар цэвэршүүлж, чийг хураан, амар амгалан мэдрэмжийг төрүүлдэг байгалийн шилдэг бүтээгдэхүүн модыг тарих;

-Дуу чимээ ихтэй орчинд ажилладаг бол чихэвч, дуу намсгагч байнга зүүж хэвших;

-Шаардлагагүй нөхцөлд машины дуут дохио хэрэглэхгүй байхыг анхаараарай.