Говьсүмбэр аймагт шөнөдөө 35-38 хэм хүрч хүйтэрч байна

Говьсүмбэр аймаг дахь “Монголын мэдээ” сувгийн сэтгүүлчийн мэдээлснээр тус аймагт цасны зузаан 15-20 см, хүйтний эрч чангарч шөнөдөө 35-38, өдөртөө 20-25 орчим хэм хүрч хүйтэрч байгаа аж. Цаг агаарын цочир хүйтрэлтэй холбогдуулан өнөөдөр аймгийн удирдлагууд шуурхай уулзалт, зөвлөгөөнийг зохион байгуулсан байна.

Шуурхай хуралдааны үр дүнд оторлож буй малчид болоод цаг хүндэрсэн сумдын малчдад өвс, тэжээл, ахуйн хэрэгцээний бараа үйлчилгээг нэн даруй хүргэж өгөхөөр болжээ.