Гурван сумын ЗДТГ шинэ автомашинтай боллоо

Хөвсгөл аймгийн Улаан-Уул, Ханх, Рашаант сумын Засаг даргын Тамгын газар улсын төсвийн хөрөнгө оруулалтаар нийт 105 сая төгрөгөөр шинэ автомашинтай боллоо.

Гурван сумын тухайд сүүлийн 2-3 жилийн хугацаанд автомашингүй, хувийн автомашинаар төрийн үйлчилгээг хүргэж байжээ. Хөвсгөл аймгийн хэмжээнд энэ онд сумын багийн эмч нарыг бүрэн унаажуулж, парк шинэчлэлийг хийх юм байна.

Харин үүний үр дүнд иргэдэд хүрэх төрийн үйлчилгээ чирэгдэлгүй шуурхай байх ёстой гэдгийг Засаг дарга Л.Ганболд автомашин гардуулах үеэр онцоллоо.