Их хэмжээний самар нууцаар хот руу оруулж ирэхийг завджээ

Цагдаагийн Ерөнхий газраас “Ургац-2015 “ нэгдсэн арга хэмжээг зохион явуулж эхэлсэн. Энэ хүрээнд Замын цагдаагийн газрын Орон нутаг хурдны замын хяналтын хэлтсийн зохицуулагч цагдаагийн ахмад Б.Эрдэнэсүх энэ сарын 12-13-нд шилжих шөнө Төв аймгийн нутаг Жаргалант сумын харалдаа хяналт шалгалт хийж байх хугацаандаа Х.Truek маркийн 39-04 дугаартай авто машины жолооч А нь бусадтай бүлэглэн 12000 кг ноосон дотор 5.3 тн самар нууж Улаанбаатар хот руу оруулах гэж байсныг илрүүлжээ. Төв аймгийн Баянчандмань сумын Цагдаагийн хэсэгт шилжүүлсэн байна. Тухайн хэрэгт эрүүгийн хэрэг үүсгэн шалгаж эхэлжээ.