iMCAA системийг туршилтын хэлбэрээр үйл ажиллагаанд нэвтрүүллээ

Мэдээллийн технологи, инноваци, судалгаа хөгжлийн албанаас ИНЕГ-ын дотоод үйл ажиллагааны iMCAA цогц системийг дотоод нөөц бололцоогоо ашиглан хөгжүүлж 2019 оны 10 дугаар сарын 11-ний өдрөөс Захиргаа, удирдлагын газартай хамтран туршилтын хэлбэрээр үйл ажиллагаанд нэвтрүүлж байна.

iMCAA систем нь дараах хэсгүүдээс бүрдэнэ. Үүнд:

• Дотоод чат;

• Үүрэг даалгавар;

• Албан хэрэг хөтлөлт;

• Ажлын төлөвлөгөө;

• Гүйцэтгэлийн төлөвлөгөө;

• Хүний нөөц;

• Цагийн бүртгэл;

• Утасны жагсаалт;

• Гадуур ажлын бүртгэл;

• Байгууллагын бүтэц, эрхийн зохицуулалт;

• Шуурхай зар;

Энэхүү системийн зорилго нь ИНЕГ-ын дотоод үйл явцуудын уялдаа холбоог сайжруулж байгууллагын үйл ажиллагааны үр ашиг, бүтээмжийг нэмэгдүүлэх юм.

Системийг бүрэн хэмжээнд нэвтрүүлснээр дараах давуу талуудыг олгоно. Үүнд:

• Газар, хэлтэс, албадуудын дотоод болон хоорондоо харилцах үйл ажиллагаа цахим хэлбэрт шилжиж, түргэн шуурхай, орон зай, цаг хугацааны хамааралгүйгээр явагдах нөхцөл бүрдэнэ;

• Тайлан, төлөвлөгөө боловсруулахад зарцуулдаг цаг хугацаа, хөрөнгө мөнгийг хэмнэнэ;

• Тушаал, албан даалгавар, хүсэлт гэх мэт баримт бичгүүдийг боловсруулах, батлуулах болон илгээх хугацааг хэмнэнэ;

• Цаасны хэрэглээг эрс бууруулна;

• ИНЕГ өгөгдөл төвтэй байгууллага болж хувьсан өөрчлөгдөх дижитал шилжилтийг хэрэгжүүлэх эхний алхам болно;

Системийн туршилтын хувилбартай танилцахын тулд МТИСХА-аас нэвтрэх эрх аван энд дарж орно уу.

Эх сурвалж: ИНЕГ