Индонез нүүрсний олборлолтоо танаж эхэллээ

Индонез улсын Засгийн газар нүүрс олборлолтоо тодорхой хугацаанд бууруулахаар төлөвлөжээ. Нөөц баялагийг арвилан гамнах үүднээс гаргасан энэхүү шийдвэр нь тус улсын нүүрсний нөөцтэй холбоотой юм.

Шинжээчдийн тооцоолж буйгаар Индонез улсын нүүрсний нөөц 2050 онд бүрэн шавхагдаж дуусах аж. Өнгөрсөн 2011 оны байдлаар Индонез улс нийтдээ 353 сая тонн нүүрс олборлосон бөгөөд энэ нь олборлолт, экспорт, дотоодын эрэлтийн хоорондох тэнцвэрийг барих хэрэгтэйг харуулж буй хэрэг гэж тус улсын засгийн газраас мэдэгдсэн байна.