iPhone 6 хэзээ гарах вэ?

Apple-ийн үнэнч хэрэглэгчдийн хувьд шинэ iPhone 6 утасны талаарх цуурхлыг сонсохгүй өдөр бараг үгүй биз ээ. Харин пүрэв гарагт Хятадын нэгэн сайтад тавигдсан мэдээлэл алга загатнуулав. China.com-д мэдээлснээр Apple 4.7 инч дэлгэцтэй iPhone 6 утсаа ирэх 9-р сарын 25-нд, 5.5 инч дэлгэцтэй "iPhone Air" хэмээх утсаа оны сүүлээр танилцуулахаар товложээ. Гэхдээ энэхүү батлагдаагүй мэдээлэл үнэн биш байж болох хамгийн том үндэслэл юу гэвэл 9-р сарын 25-ны өдөр пүрэв гарагт таарч байна. Учир нь Apple-ийн хувьд iPhone-ийн шинэ загваруудыг баасан гарагт танилцуулсаар ирсэн түүхтэй. Ямартай ч iPhone 6 нь IOS 8 үйлдлийн систем, А8 процессор, илүү бат бөх сафир дэлгэцтэй байна гэсэн хүлээлт байгаа юм.

РАЛЬДИЙ.А /shuum.mn/