Иргэд 10 төрлийн лавлагааг цахимаар авдаг боллоо

Улсын бүртгэлийн багц хууль шинэчлэгдэн арваннэгдүгээр сарын 1-нээс эхлэн хэрэгжиж эхэлсэн. Тус хууль хэрэгжсэнээр Улсын бүртгэлийн мэдээллийн сангаас иргэн, хуулийн этгээд өөрт холбогдох мэдээлэл, лавлагааг интернэт сүлжээ ашиглан хаанаас ч авах боломж бүрдэжээ.

Ингэснээр иргэд burtgel.mn сайтаар орж дараах 10 төрлийн лавлагаанаас өөрт хэрэгтэйг гэрээсээ, байгаа газраасаа авах боломжтой болсон. Үүнд:

Цахим үнэмлэхийн лавлагаа
Оршин суугаа хаягийн лавлагаа
Төрсний бүртгэлийн лавлагаа
Гэрлэсний лавлагаа
Гэрлэсэн эсэх лавлагаа
Гэрлэлт цуцлуулсныг бүртгүүлсэн тухай лавлагаа
Хуулийн этгээдийн дэлгэрэнгүй лавлагаа
Хуулийн этгээд бүртгэлтэй тухай лавлагаа
Үл хөдлөх эд хөрөнгөтэй эсэх лавлагаа
Үл хөдлөх эд хөрөнгийн дэлгэрэнгүй лавлагаа

Цаашид энэ тоог нэмж, иргэдэд шаардлагатай байдаг бүх 29 төрлийн лавлагааг интернэтээр шууд авч болдог болно гэж Улсын бүртгэлийн ерөнхий газраас мэдээллээ.