Иргэд эзэмшиж буй газрын өмчлөх хүсэлтийг цахимаар илгээх боломжтой

Монгол Улсын Засгийн газрын 105 дугаар, НИТХ-ын 116 дугаар тогтоолын дагуу Нийслэлийн Газар зохион байгуулалтын албаны тухайн жилийн газар зохион байгуулалтын төлөвлөгөөнд туссан эзэмшиж буй газраа www.Egazar.gov.mn цахим хуудсаар дамжуулан өмчлөх хүсэлтээ илгээх боломжтой боллоо.

Өнөөгийн байдлаар цахим систем ашиглан хүсэлт ирүүлсэн 94 иргэний газар өмчлөх хүсэлт шийдвэрлэгджээ.

Иргэд гэрээсээ газраа шууд өмчлөх боломжтой боллоо гэж Нийслэлийн Газар зохион байгуулалтын албанаас мэдээллээ.