Иргэдийн ухамсаргүй байдлаас болж бүтээн байгуулалт сүйдэж байна

Дархан-Уул аймгийн Дархан сумын 17 байршилд хогийн төвлөрсөн цэг байгуулах ажлын хүрээнд өнгөрсөн онд 17 ширхэг хогийн савыг багуудад байршуулж СӨХ-дод хүлээлгэн өгсөн байна. Гэвч иргэдийн ухамсаргүй байдлаас болж 17 ширхэг хогийн савны дөрөв нь шатаж, эвдэрчээ.

Аймаг орон нутгаас төсөв хөрөнгө гарган хийж хэрэгжүүлсэн хөрөнгө оруулалт, бүтээн байгуулалтын ажлуудыг үгүйсгэх, хайр гамгүй хандах жишээ сүүлийн үед нэмэгдэх хандлагатай болж байна. Иймээс иргэдийг өөрийн амьдарч буй нутаг орондоо хийгдсэн хөрөнгө оруулалт, бүтээн байгуулалтад хайр гамтай хандахыг уриалж байна.