Иргэн та санаатай болон санамсаргүй байдлаар гал алдсан бол эрүүгийн хуулиар хариуцлага хүлээнэ

"Цагийн хүрд" мэдээллийн хөтөлбөр: Улсын хэмжээнд хуурайшилт нэн аюултай зэрэгт шилжээд байна. Өнөөдрийн байдлаар улсын хэмжээнд 41 суманд нийт 59 удаагийн ой хээрийн түймэр бүртгэгдсэн. Үүний улмаас нийт 3 тэрбум төгрөгийн хохирол учраад байна. Одоогоор санаатай түймэр тавьсан иргэн байхгүй ч, санамсаргүй байдлаас гал алдсан тохиолдлууд байсаар байна. Санамсар болгоомжгүй байдлаасаа болж гал алдвал эрүүгийн хуулиар хариуцлага хүлээлгэж, хорих ялаар шийтгүүлэх хуулийн заалттайг Цагдаагийн байгууллагаас сэрэмжлүүллээ./2020.04.29/