Ирланд Улсаас Монгол Улсад суух Элчин сайдыг хүлээн авч уулзав

Гадаад харилцааны яамны Төрийн нарийн бичгийн дарга Н.Анхбаяр Ирланд Улсаас Монгол Улсад суух Элчин сайд Анн Дервинийг 2022 оны 7 дугаар сарын 6-ны өдөр хүлээн авч уулзаж, Итгэмжлэх жуух бичгийн хувийг нь хүлээн авав.

Уулзалтын үеэр талууд Монгол, Ирландын уламжлалт найрсаг харилцаа, хамтын ажиллагааг эрчимжүүлэх, ялангуяа худалдаа, эдийн засаг, хөдөө ахуй, иргэд хоорондын харилцааг хөнгөвчлөх зэрэг чиглэлээр хамтын ажиллагааг өргөжүүлэх сонирхлоо нотлов.