Жимс жимсгэний үйлдвэр байгуулахаар боллоо

Монгол Улсын Засгийн газрын 2016-2020 оны үйл ажиллагааны хөтөлбөрт “Чацаргана, бусад жимс жимсгэний нэр төрөл, үйлдвэрлэлийг нэмэгдүүлж,чацарганы үйлдвэрлэлийн нэгдсэн сүлжээ байгуулан, хүн амыг амин дэм бүхий жимс жимсгэнээр ханган, экспортын орлогыг нэмэгдүүлнэ” гэж тусгагдсан байдаг.

Энэ зорилтын хүрээнд Нийслэлийн Хүнс, Хөдөө аж ахуйн газар нь “Ногоон Ази Сүлжээ” төрийн бус байгууллагатай хамтран, жилд 600 тонн чацарганы жимс боловсруулах үйлдвэрийг БНСУ-ын Олон Улсын Байгууллага / КOICA /-ын буцалтгүй тусламжаар байгуулах “Хамтын ажиллагааны гэрээ”-нд гарын үсэг зурлаа.