Канад Улсын олимпийн шигшээ баг манай улсад хамтарсан бэлтгэл хийж байна
Саша Мехмедовичоор удирдуулсан Канадын багийн бүрэлдэхүүнд -57 кг-ын дэлхийн шилгүүдийн нэг ДАШТ-ий хүрэл медальт Криста Дэгүчи, Жессика Климкайт нар багтсан байна.
Мэдээллийн алба
Жүдо бөхийн хөгжилөөр дэлхийд чамгүй өрсөлддөг Канад Улсын олимпийн шигшээ баг манай улсад хамтарсан бэлтгэл хийж байна.
Саша Мехмедовичоор удирдуулсан Канадын багийн бүрэлдэхүүнд -57 кг-ын дэлхийн шилгүүдийн нэг ДАШТ-ий хүрэл медальт Криста Дэгүчи, Жессика Климкайт нар багтсан байна.
Мөн -63 кг-ын жинд ДАШТ-ийн 5-р байрт Кэтрин Бушмин-Пинар /Тэрбээр “Астана-2015” ДАШТ-д -57 кг-ын жинд манай хөдөлмөрийн баатар Д.Сумъяад ялагдаж байв/, -70 кг-д Пан Америкийн 4 удаагийн аварга, Их дуулга, Гран Пригийн аварга Келита Зупанчич нар манай оронд ирээд байна.
Түүнчлэн эрэгтэй багийн бүрэлдэхүүнд -66 кг-ын Жэкоб Валуй, -73 кг-ын Мастерс болон Токиогийн Их дуулгын мөнгөн медальт Артур Маргелидон, -81 кг-ын энэ оны Екатринбургийн Их дуулгын хүрэл медальт Этиенн Брайэнд, -100 кг-ын өнгөрсөн оны Осакагийн Их дуулгын мөнгөтэй Шэди Элнахас нар Улаанбаатарт хөл тавиад байна.
