Хайгуулын талбайд сонгон шалгаруулалт явууллаа

Ашигт малтмалын газраас “Шүүхийн шийдвэрээр тусгай зөвшөөрөл нь хүчингүй болсон ашигт малтмалын хайгуулын талбайд тусгай зөвшөөрөл олгох сонгон шалгаруулалтын журам”-ын дагуу нэр бүхий 14 талбайд сонгон шалгаруулалт явуулжээ.

Сонгон шалгаруулалтаар тусгай зөвшөөрөл олгох дөрвөн талбайд “Эм Эм Ар Ай” ХХК, “Тулга трэйд” ХХК, “Түмэн айл инвест” ХХК-иуд шалгарсан байна. Шалгаруулалтын шаардлага хангагдаагүй нэр бүхий 10 талбайн сонгон шалгаруулалтыг дахин зарлаад байгаа аж.