Халаалтын зуухны үйл ажиллагааны зөрчлийг арилгууллаа

БЗД-ийн 10 дугаар хороо Жөн юан ХХК-ийн уурын зуухны ашиглалтаас хүрээлэн буй орчинд үзүүлэх нөлөөллийн байдалд хяналт шалгалт хийв. Шалгалтаар тус байгууллага нь байгаль орчны менежментийн төлөвлөгөөгүйгээр үйл ажиллагаа явуулж байсан тул Зөрчлийн тухай хуулийн холбогдох заалтыг үндэслэн торгуулийн арга хэмжээ ногдуулж зөрлийг арилгах эрх бүхий албан тушаалтны албан даалгавар хүргүүллээ. Цаашид тус компани нь байгаль орчныг хамгаалах, үйл ажиллагааны улмаас байгаль орчны тэнцвэрт байдал алдагдахаас сэргийлэх, байгаль орчинд сөрөг нөлөөлөл багатайгаар байгалийн нөөц ашиглалт явуулах нөхцөл бүрдлээ.