Халаасны хулгайн гэмт хэрэг нэмэгджээ

Сар шинийн баяр дөхсөн өдрүүдэд халаасны хулгайн гэмт хэрэг нэмэгддэг. Өнгөрсөн 2018 онд 1300 орчим халаасны хулгайн хэрэг цагдаагийн байгууллагад бүртгэгдсэн. Энэ нь өмнөх оноосоо 47 орчим хувиар нэмэгдсэн үзүүлэлт. Халаасны хулгайн хэргийг Зөрчлийн болон Эрүүгийн хууль зүйл заалтаар шийдвэрлэж байгааг Нийслэлийн цагдаагийн газрын Урьдчилан сэргийлэх хэлтсийн ахлах мэргэжилтэн, ахлах дэслэгч н.Зоригтбаатар ярилаа.

Халаасны хулгайд эд зүйлсээ алдсан иргэд тэр бүр цагдаагийн байгууллагад мэдэгддэггүй байна. Энэ нь халаасны хулгайг өөгшүүлдэг гэж тэрбээр хэллээ.