Хар тамхитай холбоотой этгээдүүдийг баривчилжээ

Цагдаагийн ерөнхий газрын Хар тамхитай тэмцэх газрын ажилтнууд мансууруулах бодис хилээр оруулж ирсэн байж болзошгүй 19-24 насны дөрвөн залууг саатуулсан гэнэ. Тэднийг энэ сарын 11-нд Хан-Уул дүүргийн гуравдугаар хорооны нутаг дэвсгэрт байрлах орон сууцнаас баривчилжээ.

Үүнээс гадна тус алба хаагчид Монгол Улсын хилээр мансууруулах, бодис сэтгэцэд нөлөөлөх эм бэлдмэлийг оруулж ирсэн байж болзошгүй 25 настай эрэгтэй Ч-г энэ сарын 11-нд баривчилжээ. Түүнийг ШШГЕГ-н харьяа Цагдан хорих 461 дүгээр ангид хорьж, шалгалтын ажиллагааг үргэлжлүүлж байна.