Харилцан ойлголцлын санамж бичиг байгууллаа

ШӨХТГ-ын дарга Б.Лхагва, Индонез улсын бизнесийн өрсөлдөөнийг хянан зохицуулах хорооны дарга Мухаммад Сяркави Рауф нар өнөөдөр хамтран ажиллах харилцан ойлголцлын санамж бичигт гарын үсэг зурлаа.

Энэхүү санамж бичгийн зорилго нь ӨРСӨЛДӨӨНИЙ ХУУЛЬ БОЛОН БОДЛОГЫН ХӨГЖЛИЙН ХАМТЫН АЖИЛЛАГААГ БЭХЖҮҮЛЭХ юм. Санамж бичгийг байгуулснаар талууд Монгол Улсын шударга өрсөлдөөний хууль, эрх зүйн орчинг сайжруулах, ШӨХТГ-ийн хүчин чадлыг бэхжүүлэх зорилгоор тусгайлсан төсөл боловсруулах замаар мэргэжилтнүүдийг сургалтад хамруулах болон техникийн туслалцаа үзүүлэх зэргээр хоёр орны өрсөлдөөний байгууллагууд хамтран ажиллах юм байна.