“Хариуцлагатай аялагч” өдөрлөг зохион байгуулагдана

АНУ-ын Элчин сайдын яам, Гадаад харилцааны яам хамтран “Хариуцлагатай аялагч” олон нийтэд хандсан кампанит ажлыг зохион байгуулах гэж байна.

Уг кампанит ажлын нээлт энэ сарын 13-нд “Чингис хаан" олон улсын нисэх буудлын орон нутгийн зорчигчдын танхимд болох юм.

Нээлтийн арга хэмжээнд Элчин сайд Женнифер Зимдал Галт болон Гадаад харилцааны сайдын үүрэг гүйцэтгэгч Ц.Мөнх-Оргил нар оролцож үг хэлэх аж.

Дээрх кампанит ажил нь хариуцлагатай аялал жуулчлалыг сурталчлах замаар ирээдүйд Монгол Улсыг АНУ-ын визгүй зорчих хөтөлбөрт багтаах зорилготой гэнэ.

Тэр үеэр тус Элчин сайдын яамны хариуцлагатай ажилтнуудаас хэвлэлийнхэн сонирхсон асуултдаа хариулт авах боломжтой юм.