Хэнтий аймгийн Галшар сумын нутагт малын галзуу өвчний тохиолдол илэрчээ

Хэнтий аймгийн Галшар сумын нутагт малын галзуу өвчний тохиолдол гарч, шинжилгээгээр батлагдсан байна. Галшар сумын Сангийн далай багийн “Гашуун” гэдэг газар тус сумын харьяат малчны гурван тугал есдүгээр сарын 21-ний өдөр мал, амьтны халдварт “Галзуу” өвчний шинж тэмдэгтэй хорогдсон байжээ.

Дээж авч аймгийн Мал эмнэлэг ариун цэврийн лабораторид шинжлүүлэхэд хариу нь галзуу өвчин мөн болох нь тогтоогдсон байна.