“Хилийн чанад дахь Монголчуудын нэгдсэн чуулга уулзалт” Улаанбаатарт болно

Монгол Улсын Ерөнхийлөгчийн Тамгын газар, Гадаад харилцааны яам, “Хилийн чанад дахь монголчуудын зөвлөл” НҮТББ хамтран 2022 оны долоодугаар сарын 3-5-ны өдөр “Хилийн чанад дахь монголчуудын нэгдсэн чуулга уулзалт”-ыг Улаанбаатар хотноо зохион байгуулна.

ЧУУЛГА УУЛЗАЛТЫН ХҮРЭЭНД:

• “Гэртээ харих зам-Эх орондоо хөрөнгө оруулъя” хөрөнгө оруулагчдын зөвлөгөөн,

• “Монгол орны хөгжилд” технологийн зөвлөгөөн”,

• Хилийн чанад дахь эх хэл, соёлын багш нарын зөвлөгөөн,

• “Хилийн чанад дахь иргэдийн эрх, нийгмийн асуудлууд” зөвлөгөөн,

• “Хилийн чанад дахь монголчуудын зөвлөл” НҮТББ-ын IV чуулга уулзалт гэсэн таван салбар хуралдаан болно.

2022 оны долоодугаар сарын 5-ны өдөр болох нэгдсэн чуулга уулзалтаар салбар хуралдаануудаас дэвшүүлсэн санал, зөвлөмжийг хэлэлцэж, нэгдсэн зөвлөмж гаргах юм.