ХХААХҮЯ: 4.7 тэрбум төгрөгийн хөнгөлөлттэй зээл зарлагдлаа

”Хүнсний хангамж, аюулгүй байдлыг хангах талаар авах зарим арга хэмжээний тухай” УИХ-ын 2022 оны 36 дугаар тогтоолоор батлагдсан төлөвлөгөөний дагуу Хүнс, хөдөө аж ахуй, хөнгөн үйлдвэрийн сайдын 2023 оны зургаадугаар сарын 30-ны өдрийн А/326 тоот тушаалаар дараах салбар чиглэлд хөнгөлөлттэй зээл олгохоор шийдвэрлэлээ. Үүнд:

• Жимс, жимсгэнийн төрөлжсөн аж ахуй
• Төмсний супер-элит үр үйлдвэрлэл
• Загвар хоршоо
• Мах болон нарийн ноост үржлийн цөм сүргийн аж ахуй
• Нийслэлээс орон нутагт шилжин суурьшсан аж ахуйн нэгжид хөнгөлөлттэй зээл олгох

Төсөл хүлээн авах хугацаа: 2023 оны 07 дугаар сарын 19-ний өдрийн 09.00 цагаас 2023 оны 08 дугаар сарын 19-ний өдрийн 09.00 цаг хүртэл

Төсөл хүлээн авах хэлбэр: Жижиг, дунд үйлдвэрийн газрын https://sme.gov.mn цахим хаягаар хүлээн авна.

Дэлгэрэнгүй мэдээллийг тухайн аймгийн Хүнс, хөдөө аж ахуйн газрын жижиг, дунд үйлдвэрийн асуудал хариуцсан мэргэжилтнээс тодруулна уу гэж ХХААХҮЯ-наас мэдээллээ.