Хонхор хорооны иргэдийг "нүүлгэн шилжүүлнэ"

Монгол Улсын Засгийн газрын 2011 оны 339, 340 дүгээр тогтоолыг хэрэгжүүлэх хүрээнд маргааш орон даяар гамшгийн аюулын зарлан мэдээллийн дохиогоор ажиллана.

Энэ хүрээнд маргааш буюу 2018 оны 03 дугаар сарын 29-ний өдрийн 10:30-12:00 цагийн хооронд Баянзүрх дүүргийн 11 дүгээр хорооны /Хонхор/ иргэдийг нүүлгэн шилжүүлэх дадлага, сургуулийг зохион байгуулна.

Газар хөдлөлтийн гамшгийн аюулын үед Улаанбаатар хотын иргэдийг түр байр дэлгэн нүүлгэн шилжүүлж байгаа анхны томоохон дадлага сургууль болохоороо онцлог юм.