“Хотын гудамж-миний нутаг” гэрэл зургийн уралдаан зарлажээ
эхний 100 байрт шалгарсан бүтээлээр “Хэцтэй гэрэл зургийн үзэсгэлэн” дэлгэн толилуулах аж
Мэдээллийн алба
“Чингэлтэй фестиваль”-ийн хүрээнд Чингэлтэй дүүргийн Засаг даргын Тамгын газар, “Гамма фото” агентлагтай хамтран гэрэл зураг сонирхогчдын дунд “Хотын гудамж-миний нутаг” сэдэвт их хотын хөгжил цэцэглэлт, иргэдийн аж байдлын талаар гэрэл зургийн уралдаан зарлажээ.
-Тавигдах шаардлага: Хэмжээ 20*30, нягтаршил 300 DPI
-Хүлээн авах хаяг: Chingeltei.event@gmail.com
-Хугацаа: 2019 оны тавдугаар сарын 1-нээс 23-ны өдрийн 18:00 цаг хүртэл хүлээн авна.
Тус уралдааны шүүгчид нэгдүгээр байр нэг бүтээл, хоёрдугаар байр хоёр бүтээл, гуравдугаар байр гурван бүтээл шалгаруулан мөнгөн шагнал гардуулах ба энэ сарын 25-ны өдөр болох “Чингэлтэй фестиваль”-ийн үеэр шалгаруулах юм байна. Түүнчлэн фестивалийн үеэр эхний 100 байрт шалгарсан бүтээлээр “Хэцтэй гэрэл зургийн үзэсгэлэн” дэлгэн толилуулах аж.
