Ховд аймагт 1,3 сая эх мал төллөнө

Энэ хавар Ховд аймагт нэг сая 300 мянган гаруй эх мал төллөхөөс одоогийн байдлаар нийт эх малын 4-5 хувь буюу 20 гаруй мянган эх мал төллөсөн мэдээтэй байна.

Ховд аймгийн мал аж ахуйн мэргэжилтнүүдийн ярьж байгаагаар тус аймагт мал төллөлт энэ хавар гуравдугаар сарын 15-наас хойш төллүүлэхээр мал хээлтүүлгийн ажил зохион байгуулсан гэнэ. Өнгөрсөн өвөл тус аймгийн 14 сум өвөлжилт хүнд байсан юм.