Ховд голын эрэг дагуу 1 км газарт далан сэргээж, өндөрлөжээ

Баян-Өлгий аймгийн Өлгий сумын 1, 5, 9, 11 дүгээр багт Ховд голын усны түвшин нэмэгдэж голын эрэг дагуу байрлах айл өрхүүд усанд автаж болзошгүй нөхцөл байдалд оржээ.

Тус аймгийн Онцгой байдлын газрын алба хаагчид, сумын мэргэжлийн ангийн ажилчид нийлсэн 29 хүн, 12 автомашин, ковштой очиж, Ховд голын эрэг дагуу 1 км газарт даланг сэргээх, өндөрлөх ажлыг өнгөрсөн шөнө хийсэн байна.