Хөдөлмөрийн зах зээлийн цогц судалгааг хийнэ

Сүүлийн 20 гаруй жилийн хугацаанд хөдөлмөрийн зах зээлийн дэлгэрэнгүй судалгааг хийгээгүй байна. Тиймээс Хөдөлмөр, нийгмийн хамгааллын яам, Боловсрол, соёл, шинжлэх ухаан, спортын яамтай хамтран энэ төрлийн судалгааг цогц байдлаар хийхээр төлөвлөжээ.

Хөдөлмөрийн зах зээлийн цогц судалгааг хийснээр ямар түвшинд, хэдий хэмжээний, ямар мэргэжилтэй иргэд ажилтай, ажилгүй байгааг мэдэх боломжтой. Мөн залуусын мэргэжил сонголтод ч эерэгээр нөлөөлнө гэж Хөдөлмөр, нийгмийн хамгааллын сайд Н.Номтойбаяр хэллээ.