Хүй долоон худагт түргэн тусламжийн 30 гаруй эмч шуурхай ажиллана

Өнөөдрийн 17 цагаас 16-ны өдрийн 9 цаг хүртэлх хугацаанд Нийслэлийн эрүүл мэндийн газарт шуурхай алба ажиллана. Улсын баяр наадмаар Төв цэнгэлдэхийн гурван цэгт Эмнэлгийн яаралтай тусламж үзүүлэх эмч нарын баг ажиллана. Мөн Хүй долоон худагт Нийслэлийн түргэн тусламжийн төвийн 30 гаруй эмч мэргэжилтнүүд шуурхай тусламж үзүүлэх юм. Харин өрх, дүүргийн эмнэлэг, бусад эрүүл мэндийн байгууллагууд баяраар хэрхэн ажиллах болсон талаар Нийслэлийн эрүүл мэндийн газрын Эмнэлгийн тусламжийн албаны дарга Б.Батцэцэгээс тодруулсныг одоо сонсгоё.