Хүний толгойг шилжүүлэн суулгах боломжтой болно

ОХУ-ын innoros.ru хэмээх цахим хуудсанд итгэхэд бэрхтэй ч сонирхолтой материал нийтлэгджээ. Энд өгүүлснээр 2 жилийн дараа гэхэд хүн төрөлхтөн толгой шилжүүлэн суулгах мэс заслыг мэргэжлийн түвшинд хийх боломжтой болно хэмээн Италийн эрдэмтэн, мэс засалч Серхио Канаверо үзжээ. Тэрээр "1970-аад оноос хойш амьтны эд эрхтнийг хооронд нь шилжүүлэн суулгах хэлбэрээр туршиж эхэлсэн ба хүний толгойг шилжүүлэн суулгахад нуруу нугасны орчмын судас, мэдрэлийн хэсэг дээр л бага зэрэг судалгаа хэрэгтэй байгаа" хэмээн өгүүлсэн байна.

Эрдэмтний үзэж байгаагаар "Хүлээн авагч ба донор хүний толгойг шилжүүлэхэд орчин нь (-) 12 - 15 хэм ба бие махбод нь хүйтэн байх учиртай" ажээ. Шилжүүлэн суулгах мэс засал ердөө 1 цаг үргэлжлэх бөгөөд багадаа л гэхэд $10.000.000 ам.долларын ханштай байх боломжтой хэмээн Серхио Канаверо тооцоолжээ.