Хөрөнгө оруулалтын эрх зүйн орчныг баталгаажууллаа

УИХ-ын намрын ээлжит чуулганаар Хөрөнгө оруулалтын тухай хуулийг батлан гаргалаа. Төслийн ажлын хэсгийн ахлагчаар ажилласан УИХ-ын гишүүн Д.Зоригт “Монгол Улсад өнөөдөр хөрөнгө оруулалтын цоо шинэ эрх зүйн орчин бүрдлээ. Намрын чуулганы эхэнд одоогоос 20 жилийн өмнө баталсан Гадаадын хөрөнгө оруулалтын тухай хуулийг хүчингүй болгож, өнөөдрийн амьдралд нийцсэн цоо шинэ хуулийг батлан эх барьж авлаа. Монголын нийгэмд хүлээлт үүсгээд байсан Хөрөнгө оруулалтын тухай хуулийг баталснаар удаан хугацаанд Монгол Улсын хөгжил дэвшилд дорвитой үүрэг гүйцэтгэх хууль эрх зүйн орчныг баталгаажууллаа” гэлээ.