Хууль бус автомат тоглоомын газрын үйл ажиллагааг зогсоов

Баянгол дүүрэгт хууль бусаар автомат тоглоомын газар ажиллуулж байсныг цагдаагийн алба хаагчид илрүүлж үйл ажиллагааг нь таслан зогсоожээ. Тодруулбал, Баянгол дүүрэг дэх цагдаагийн нэгдүгээр хэлтсийн Эрүүгийн цагдаагийн тасаг, Нийтийн хэв журам хамгаалах тасаг, Дүүргийн прокурорын газартай хамтран энэ сарын 11-12-нд шилжих шөнө тус дүүргийн 18 дугаар хороо "Best" худалдааны төвийн хоёр давхарт хууль бусавтомат тоглоомын газар ажиллуулж байсан зөрчлийг илрүүлэн, үйл ажиллагааг нь таслан зогсоосон байна.