Хууль зүйн мэргэжилтнүүдийг чадавхжуулав

Дорноговь аймгийн Засаг даргын Тамгын газраас сумдын Засаг даргын Тамгын газрын хууль зүйн мэргэжилтнүүдийг чадавхжуулах сургалтыг зохион байгууллаа.

Сургалтыг Хүний эрхийг хамгаалах үндэсний хөтөлбөрийг орон нутагт хэрэгжүүлэх, Захиргааны ерөнхий хуулийн практик хэрэглээ, Гэр бүлийн хүчирхийллийн эсрэг авч хэрэгжүүлэх арга хэмжээ, Эрх зүйн сургалт, сурталчилгаа зохион байгуулах арга зүй сэдвүүдийн хүрээнд зохион байгуулсан байна.

Мөн захиргааны акт боловсруулах, алдаатай захирамжлалын баримт бичгийн зөрчил арилгах дадлага ажил гүйцэтгэж, сум, орон нутагт авч хэрэгжүүлж буй үр дүнтэй ажлуудын талаар харилцан туршлага солилцсон байна.