Хятад, Панам улсууд дипломат харилцаа тогтоолоо

Панам улс БНХАУ-тай дипломат харилцаа тогтоосноор Тайваньтай харилцах харилцаагаа тасалж байгааг Хятадын гадаад хэргийн яамнаас онцлон мэдээлсэн байна.

Мөн Панамын засгийн газраас гаргасан мэдэгдэлд энэ тухай мэдэгдсэн байна.

Олон улсын ажиглагчид энэ алхамыг Бээжинг алгасан Тайваньтай дипломат харилцаа тогтоож ирсэн Төв Америкийн бүс нутаг дахь Хятадын дипломат бодлогынх нь ялалт хэмээн үнэлж байна. Хятадын гадаад хэргийн яамнаас хоёр улсын дипломат харилцаа харилцан ашигтай байх зарчимд тулгуурлаж байгааг онцлон мэдэгдсэн.