“Kodak” ухаалаг гар утас үйлдвэрлэнэ

Гэрэл зургийн аппарат үйлдвэрлэгч “Kodak” компани 2012 онд дампуурлаа зарласан билээ. Тэгвэл шинэ оны босгон дээр “Kodak” компаниас Их Британийн “Bullitt Group” брэндтэй нэгдэж андройд гар утас үйлдвэрлэх болсноо мэдэгдлээ.

Энэхүү шинэ загварын гар утасны камер нь “Kodak” гэрэл зургийн аппаратын технологийг суурилуулсан учир бусад андройд утаснаас давуу гэж зохион бүтээгчид нь ярьжээ.

Уг гар утасны анхны загварыг энэ сард Лос-Анжелес хотод танилцуулахаар төлөвлөж буй аж.