Кофег өдөр уувал сайн

Их Британийн эрдэмтэд кофег өглөө уухад бүхий л өдрийг эрч хүчтэй өнгөрүүлдэг хэмээх хий хоосон домгийг үгүйсгэжээ. Аяга кофе уухад хамгийн тохиромжтой цаг нь өглөө эрт бус харин өдрийн 14 цаг аж. Учир нь, өдрийн цайны цагаар хүн өөрийгөө ядарснаа мэдэж, аливаа ажил хийж гүйцэтгэхэд анхаарал нь төвлөрөхгүй хэцүүддэг билээ.

Яг энэ үед л өдрийн 14 цагаас хойш уусан аяга кофе сэтгэл санааг нь сэргээж, ажлын идэвхийг дээшлүүлдэг аж. Их Британийн эрдэмтдийн онцлон тэмдэглэснээр, кофе нь тархины үйл ажиллагааг сааталд орохоос сэргийлдэг байна. Энэ үеэр тархины эд эсүүдийн ажиллагаа идэвхжиж, хүний бие хийгээд сэтгэл санаа өөдрөг болдог байна.