Константин Новоселов олимпиадад амжилттай оролцсон сурагчдын медалийн бүчин дээр гарын үсгээ зуржээ

Азийн Физикийн 23 дахь удаагийн олимпиадын хүндэт зочин 2010 оны Физикийн салбарын Нобелийн шагналтан Константин Новоселов өчигдөр Соёлын төв өргөөнд "Ирээдүйн материал" сэдвээр лекц уншсан.
Тэрээр өнөөдөр үүрээр 06:20 цагт буцсан юм. Нобелийн шагналтны Монгол Улсад зочлох хөтөлбөрт тусгагдаагүй боловч тэрээр БШУ-ны сайдын хүсэлтийн дагуу урд шөнө олимпиадад амжилттай оролцсон сурагчдын медалийн бүчин дээр гарын үсгээ зурж үлдээлээ.Ирээдүйд энэ сурагчдын дундаас олон олон Нобелийн шагналтан төрөн гарна гэдэгт итгэлтэй байгаагаа тэрээр хэлж байлаа.Эх сурвалж: БШУЯ