Мал эмнэлгийн гэрчилгээний системээр сүүний урамшуулал олгох цахим сургалт хийлээ

Засгийн газрын 130 дугаар тогтоолоор батлагдсан “Сүү боловсруулах үйлдвэр, цехэд техникийн зохицуулалтын шаардлагад нийцсэн малын түүхий сүү нийлүүлсэн малчин, эрчимжсэн мал аж ахуй эрхлэгчид мөнгөн урамшуулал олгох”- журмын нэмэлт өөрчлөлт, Мал эмнэлгийн гэрчилгээний цахим системийн хэрэгжилт, баталгаажуулалтын талаар сургалт зохион байгууллаа.

Сургалтад нийслэл, Баян-Өлгий, Булган, Өвөрхангай, Дархан-Уул, Орхон, Төв, Дорнод, Сэлэнгэ, Хөвсгөл, Ховд, Өмнөговь аймгийн Мал эмнэлгийн газрын дарга, мэргэжилтэн, тасгийн эмч, байцаагч, Мал эмнэлгийн үйлчилгээний нэгжийн 170 гаруй малын эмч мэргэжилтэн хамрагдлаа.

Эх сурвалж: Мал эмнэлгийн ерөнхий газар