Манай улсад нийт 45.9 мянган багш, сурган хүмүүжүүлэгч байна

Жил бүрийн 10 дугаар сарын эхний долоо хоногийг багш нарын баяр болгон тэмдэглэн өнгөрүүлдэг. Үүнтэй холбоотойгоор Үндэсний статистикийн хорооноос Монголын багш нарын зарим тоон мэдээллийг инфографикаар хүргэж байна.

Манай улсад нийт 45.9 мянган багш, сурган хүмүүжүүлэгч байгаа бөгөөд тэдний 80 хувь нь эмэгтэй үлдсэн 20 хувь нь эрэгтэй багш байна.

Нийт багшийн 38.9 мянга нь улсын сургуульд, 7.0 мянга нь хувийн сургуульд багшилдаг.