Манай улсын зоорьны багтаамж хүрэлцэхгүй байна

Энэ жил манай тариаланчид 320 мянга орчим тонн төмс, хүнсний ногоо хурааж авна. Гэтэл улсын хэмжээнд 173, 6 мянган тоннын багтаамжтай төмс хүнсний ногоо хадгалах зоорь ашигладаг гэсэн тоог мэргэжлийнхэн байгууллага гаргажээ. Тэгэхээр ногоогоо өвөл нөөцлөхөд зоорины багтаамж хүрэлцэхгүй тооцоо гараад байна. Зоорины тоог нэмэгдүүлэх, эсэх талаар Үйлдвэр хөдөө аж ахуйн яамны газар тариалангийн бодлого хэрэгжилтийг зохицуулах газрын мэргэжилтнээс тодруулахад “ Хувиараа зоорь барих аж ахуйн нэгж, иргэнийг дэмжих боломжгүй” гэж мэдэгдлээ.