Менежерүүд “Хүний нөөцийн удирдлага-Ажлын гүйцэтгэлийн үнэлгээ” сургалтад хамрагдлаа

Монголын үндэсний олон нийтийн радио, телевизийн Тамгын газраас удирдлага, уран бүтээлчид, ажилтнууддаа чиглэсэн сургалтуудыг тогтмол зохион байгуулж байна. Тухайлбал, өнгөрсөн сарын 23-нд дунд шатны удирдлагуудаа хамруулан “Байгууллагын хөгжил-хамтын манлайлал” сэдвээр Удирдлагын академийн сертификаттай сургалт зохион байгуулсан.

Харин өнөөдөр МҮОНРТ-ийн дунд шатны менежерүүд хамрагдсан “Хүний нөөцийн удирдлага-Ажлын гүйцэтгэлийн үнэлгээ” сэдэвт сургалт зохион байгууллаа. Тодруулбал, доктор, дэд профессор Ж.Мөнхбаатар “Хүний нөөцийн удирдлагын чиг үүргүүд, “Хүний нөөцийн сургалт, хөгжил”, МУИС-ийн Бизнесийн сургуулийн багш, доктор, дэд профессор Б.Шүрэнцэцэг “Ажлын гүйцэтгэлийн үнэлгээ”, МУИС-ийн Бизнесийн сургуулийн багш, доктор, дэд профессор З.Алтанчимэг “Гүйцэтгэлийн шалгуур үзүүлэлт шинэ арга барил”, “Ярилцлага: Үнэлгээний загвар ач холбогдол” сэдвээр сургалт хийлээ.